سعود العسوج
27-Sep-2007, 03:52 صباحاً
سحاب وبرق ونجوماً تلاصف تذهل الانظار = تراها تشبه الابيات لامن صارت بيدي
كثير بوقتنا نسمع طواري سيرة الشعار = وكلاً يدلي بدلوه بوسط البير متحدي
احد ياخذ بدلوه من جزيلات الشعر وافكار = واحد لا من دلا دلوه يروح الدلو ما ردي
وانا حبيت اشبه بالسحايب لانها مدرار = تجي لاشك ماهو كل وحده منها تندي
سحابه لا لفت هلت على الي تحتها الامطار = وسحابه مثل ما قالوا سحابت صيف وتعدي
وانا لاشك بابيات الجزاله دايماً محتار = انقيها ولا به يوم جاني بيت متردي
اصوغ افكار ما تنصاغ عند اهل الردى والعار = ولابه بيت عجزني وصارت يدي بخدي
واذا كان الشعر قاضي ويرغب ياخذ الاشوار = فانا شوري يفوق اشوار ناساً واقفه ضدي
اعرف ان الشعر وهبه من الله عالم الاسرار = واعرف الكلام الذرب ودك به وانا ودي
واعرف ان الشعر ماهو بضاعه تنشرى باسعار = اعرف ان الشعر لاشك شياً ورثه جدي
وان دليت في شعري احاول شبت الانوار = وارتب فكرةً بالبال فكره تعتبر قدي
الى مني بغيت اسرع يجي في لمحت الانظار = والى مني بغيت ابطي امرت الشعر ويهدي
واحب اعرف في شعري واغوص بغبة الابحار = واعرف اصول غبات البحر والجزر والمدي
واحب اعيش في وضعي ولو حتى لقيت اخطار = واحاول دايم افرق مابين المزح والجدي
ولا اتكلم بموراً اجهله لو صار مهما صار = ولا ادخل حد في شعري وانا ادري ماهو بحدي
والا مني لقيت الي تحداني على المظمار = مسكت الحبل من نصه بلاش ارخيه واشدي
اقدر واحترم خصمي ولو ان الزمن غدار = واصوغ لكل مردوداً يقوله وارجع اردي
الى منه بدا بالطيب وابيات كما الازهار = لقاني في امور الطيب اجيب البيت واودي
والى منه بدا بالشر واطرى بالبيوت اشرار = ارده لين في شعره يتوب ولا يجي حدي
على الله يعجب اهل الطيب شعري والنفوس اسرار = وعلى اعجاب راعين الردى ماني بمتحدي
شعاري بالحياة ان كان لي وسط الحياة اشعار = على قد اللحاف احاول ان الرجل تمتدي
كثير بوقتنا نسمع طواري سيرة الشعار = وكلاً يدلي بدلوه بوسط البير متحدي
احد ياخذ بدلوه من جزيلات الشعر وافكار = واحد لا من دلا دلوه يروح الدلو ما ردي
وانا حبيت اشبه بالسحايب لانها مدرار = تجي لاشك ماهو كل وحده منها تندي
سحابه لا لفت هلت على الي تحتها الامطار = وسحابه مثل ما قالوا سحابت صيف وتعدي
وانا لاشك بابيات الجزاله دايماً محتار = انقيها ولا به يوم جاني بيت متردي
اصوغ افكار ما تنصاغ عند اهل الردى والعار = ولابه بيت عجزني وصارت يدي بخدي
واذا كان الشعر قاضي ويرغب ياخذ الاشوار = فانا شوري يفوق اشوار ناساً واقفه ضدي
اعرف ان الشعر وهبه من الله عالم الاسرار = واعرف الكلام الذرب ودك به وانا ودي
واعرف ان الشعر ماهو بضاعه تنشرى باسعار = اعرف ان الشعر لاشك شياً ورثه جدي
وان دليت في شعري احاول شبت الانوار = وارتب فكرةً بالبال فكره تعتبر قدي
الى مني بغيت اسرع يجي في لمحت الانظار = والى مني بغيت ابطي امرت الشعر ويهدي
واحب اعرف في شعري واغوص بغبة الابحار = واعرف اصول غبات البحر والجزر والمدي
واحب اعيش في وضعي ولو حتى لقيت اخطار = واحاول دايم افرق مابين المزح والجدي
ولا اتكلم بموراً اجهله لو صار مهما صار = ولا ادخل حد في شعري وانا ادري ماهو بحدي
والا مني لقيت الي تحداني على المظمار = مسكت الحبل من نصه بلاش ارخيه واشدي
اقدر واحترم خصمي ولو ان الزمن غدار = واصوغ لكل مردوداً يقوله وارجع اردي
الى منه بدا بالطيب وابيات كما الازهار = لقاني في امور الطيب اجيب البيت واودي
والى منه بدا بالشر واطرى بالبيوت اشرار = ارده لين في شعره يتوب ولا يجي حدي
على الله يعجب اهل الطيب شعري والنفوس اسرار = وعلى اعجاب راعين الردى ماني بمتحدي
شعاري بالحياة ان كان لي وسط الحياة اشعار = على قد اللحاف احاول ان الرجل تمتدي